شيخ الشباب.. شعر:الشيخ محمد بن راشد آل مكتوم

روحْ الـشَّـبابْ إبْـهـا وقُــودْ الـعـزايمْ

مِـتْـحَفِّزهْ ووقــتْ الـعـطا مِـسـتِعِدِّهْ

إنـعِـدَّهـا لأجـــلْ الأمـــورْ الـعـظايمْ

لاتـخافْ مـنْ مـخطِرْ ولاتخافْ شِدِّهْ

حِـــرَّهْ و مـنـدَفْعِهْ تـقِـصْ الـصَّـرايمْ

الـشُّـوكْ مـنْ قِـوَّة وحـاها تِـحَصدهْ

إتـــدَوِّرْ الـكـايدْ مــا تَـبـغي الـولايـمْ

سـيلٍ جرىَ في ليلْ ماشَيْ يحدِّهْ

بــهـا طــمـوحْ وعـزمـهـا دومْ قـايـمْ

ولاتــحــاتــي لـــلأمـــورْ الــمِــلِـدِّهْ

وشـبَّـانـنـا إبــهــمْ نــنـالْ الـغَـنـايمْ

همْ للوِطَنْ حِصنهْ وهمْ طيرْ سَعْدهْ

يـاكـاتـبْ الـتَّـاريـخْ سَــجِّـلْ عـلايـمْ

مِـيِّـهْ عـلـىَ مِـيِّـهْ لـمحمَّدْ وجـندهْ

شـيخْ الـشَّبابْ بـرغمْ حاسدْ ولايمْ

بــهْ نَـتِّـقي غــدرْ الـزِّمـانْ ونِـصِـدِّهْ

بــهْ مـنْ فِـكِرْ زايـدْ شـديدْ الـفهايمْ

وبـهْ مـنْ شـبابهْ قِـوْ بـاسهْ وجِهدهْ

وفَـضلهْ وجـودهْ لـكلْ عاني وشايمْ

وحِـلمهْ وعـلمهْ وكـلْ مـا كانْ عندهْ

وشـكلهْ وصـوتهْ وإحتمالْ الجسايمْ

وضـحـكهْ وتـقـطيبهْ بـمزحهْ وجِـدِّهْ

حـكـيمْ فــي حـكمهْ ولـلحكمِ رايـمْ

وحـكـومتهْ مـنْ حـكمتهْ مِـستمِدِّهْ

نـمـضي مـعـاهْ ودومْ عـنـدْ الـلِّزايمْ

مــا نـخـالفهْ أمــرهْ ونـوفـي لـعَهدهْ 

عـلـيـهْ مـحـسودينْ والـدَّهـرْ نـايـمْ

وبــلادنـا مـــنْ زيـنـهـا تــقـولْ وَردهْ

مــادامْ فـيـنا مــا نـشـوفْ الـهـزايمْ

هوُ جيشْ كاملْ يهزمْ جيوشْ وحدهْ

ومــادامْ فـيـنا مـا نـشوفْ الـظلايمْ

بـالـعدلْ نَـهجهْ ودومْ لـلعدلْ قَـصدهْ

ومــادامْ فـيـنا مــا نـشوفْ الـغرايمْ

جــودهْ بـحَـرْ طـامي ولاشَـيْ قَـدِّهْ

وإذا الأمــــورْ إتْــعَـقِّـدَتْ بـالـعـتـايمْ

إيـحـلِّـها م الـفـهـمْ عـقـدهْ بـعـقدِهْ

شـيخْ الـشِّبابْ وسـيِّدْ الوقتْ دايمْ

جـيـدومـنـا ولــكـلْ عـــادي نِــعِـدِّهْ

أســمـهْ تِــعَـدَّى نـايـفاتْ الـغـمايمْ

عِـضـدي مـحـمدْ دامْ عـزِّهْ ومَـجدهْ 

شعر: الشيخ محمد بن راشد آل مكتوم